Казан дәүләт консерваториясен тәмамлагач, 1967 елда Г.Г. Дәминов Мәдәният министрлыгыннан Татар дәүләт җыр һәм бию ансамбленә эшкә юллама ала. Ансамбльдә 1969 елга кадәр эшләгәннән соң, филармониянең музыкаль-әдәби лекториена күчә. Лекторийда эшләү дәверендә милли репертуар туплауга күп игътибар бирә, татар композиторлары әсәрләрен, халык җырларын өйрәнә. 1971-1978 елларда эстрада бүлегендә солист-вокалист булып эшли.