Мәскәү мәдәният институтының хореография бүлеген тәмамлый (1974). ТАССР Җыр һәм бию ансамбленең солисты (1967-69), педагог-репетиторы (1974-77), баш балетмейстеры (1977 дән). Татарстан Республикасы Җыр һәм бию ансамбле каршында «Юлдаш» балалар хореографик мәктәбен оештыручыларның берсе. «Сабантуй», «Дуслык бәйрәме», «Туган як моңнары», «Шәрекъ клубы», «Корбан бәйрәме», «Шәһәр биюе» һ.б. вокаль-хореографик композицияләрне куюда катнаша. «Кызлар җыены», «Бишле бию», «Казан кызлары биюе», «Гармун, гармун», «Ярмәк вагы» һ.б. бик күп биюләрне куя. Милли бию фольклорын тирәнтен белүче буларак, үзенең хореографик сәхнә композицияләрендә халык биюе мирасын иркен һәм кыю куллана. Укучылары арасында Татарстан Республикасының атказанган артистлары Л. һәм А. Хәмитовлар, Р. Шәйдуллин, М. Фәттахова һ.б. бар.