Ю.Цыганов бүгенге көндә оркестрда өченче баян партиясен алып бара, ул оркестр репертуарындагы чит ил классик композиторлары: И.С. Бах, А.Вивальди, В.А. Моцарт, Ф.Шуберт, Ф.Шопен, Н.Паганини һ.б.; бөек рус композиторлары: М.Мусоргский, И.Стравинский, Д.Шостакович, Г.Свиридов, П.Чайковский, Н.Римский-Корсаков, М.Глинка һ.б.; танылган композиторлар: Т.Хренников, Р.Щедрин, С.Гобәйдуллина; күренекле татар композиторлары: С.Сәйдәшев, Н.Жиһанов, Ф.Яруллин, А.Монасыйпов, А.Ключарев, Ә.Бакиров, Р.Яхин, Р.Еникеева, А.Луппов, Л.Любовский һ.б. композиторларның әсәрләрен тиз арада үзләштереп концертларда оркестр белән башкара.
Концертларда Ю.Цыганов шулай ук хромка гармунында да чыгыш ясый, бигрәк тә мордва, татар, чегән халык көйләрен башкаруын тамашачы җылы кабул итә.

Музыкант Татарстан Республикасы халык уен кораллары дәүләт оркестры составында И.Кобзон, Е.Образцова, А.Литвиненко, З.Соткилава, А.Цыганков, Л.Сметанников, Л.Абрамова, В.Овсянников, Е.Молодцова, Н.Баннова, В.Ковтун, А.Шаһиморатова, М.Казаков, Д.Штода һәм башка атаклы сәнгать осталары белән бер сәхнәдә чыгыш ясый.
Ю.Цыганов 2004 елдан «Казан» бию ансамбле мәктәп студиясендә концертмейстер вазыйфасын да алып бара.