М. Вәлиева, сайлап алу конкурсын уңышлы узып, 1968 елда Мәскәүгә, Бөтенроссия эстрада сәнгате иҗади остаханәсенә укырга китә. Анда 1969 елга кадәр А.А.Харламова курсында укый. Укуын тәмамлап Казанга кайткач, Татар филармониясендә 1984 елга кадәр конферансье булып эшли. Мәрзия Вәлиева репертуары татар язучылары һәм шагыйрьләре әсәрләреннән төзелә. 1984-1989 елларда М. Вәлиева – филармония концертларын оештыручы администратор, 1989-1990 елларда – концерт бүлеге мөхәррире, 1990-1996 елларда билетлар таратучы булып эшли.